عم انطرك – هدية من الرائعة جوليا
3 فبراير 2008
عم انطرك
عندي إلك شي كتير
خصر الورود
مزنّرة بحرير
عم انطرك
تا خبّرك شو صار
بين الفراشة
وبين الشحارير
رح انطرك
تَ نغلّ بالغابات
تمسك بايدي
وبالفلا منطير
عم انطرك
لنغوص بالموجات
نقطف محار الشوق
خلف الشير
ونطلع ع جنح الموج
نتمشى
نسمع حكايا الجن
هالسكير
مرجوحة الهمسة
عم تنتظر ردك
طال البعاد
وما إلو تفسير
عم انطرك
حتى الزمان يدوخ
وحتى الفضا
مايقبل عصافير
شو قولتك
يللي مْلكِت قلبي
بحملة حنان عليك
فيها بغير
هدّم حصون الصد
والهجران
ونرجع سوا لشوقنا
نواطير
جوليا
هدية للملحن خالد ترمانيني
جولييت … الف شكر
هدية غالية كتير … و انا مو من عادتي اني اقبل هدايا لا استطيع ردها بأجمل منها
ولكني اقبلها منك يا جوليا والله يقدرني يا جوليا ردلك هدية بنص حجمها …
يا جوليا انتي شاعرة رائعة وأنثى أروع …. والكم من الجمال الموجود في قلبك الكبير بيكفى العالم
لا تتخلي عن هذا الكم من الجمال الذي يمتلكه هذا القلب الذهبي الرائع
تحياتي واحترامي يا أجمل بنت …. ( ما في عندي وصف احلى لك من كلمة بنت )
وقريبا سأبحث عنك وألاحق كلماتك وسأجعلك تكتبين … وسنملأ الدينا فنا وجمال …
وحتى يحين الوقت في القريب .. إملأي الدنيا جمالا
كم انا فرح بهديتك الرائعة
شكرا من القلب
تعليق بواسطة khaled — 3 فبراير, 2008 @ 6:15 م