التعليقات على: فؤاد حداد

بواسطة: ahmad hadad

ahmad hadad — Mon, 26 May 2008 10:19:33 +0000

يا دمعة العين ما تخافيش تجرى
لابد منك في الحماس الحق
الدنيا صيف والجو مش أخضر
و الموت ماهوش في صفحة الوفيات
ولابد من إتنين
الجوع وناكل
العطش ونشرب
الحياة والموت
الهزيمة وننتصر
الصبر
لاكن مافيش صبر في الدنيا يقدر
وإن كنت عمري ميت سنه
وإن كنت ميت ألف لاجئ
ما فيش صبر في الدنيا يقدر يفطمني عن وطني

بواسطة: ahmad hadad

ahmad hadad — Mon, 26 May 2008 10:18:55 +0000

البن / فؤاد حداد

القهوه تحبّ كنكة
والكنكة تحب كنبة
والكنبة تحب قعدة
مبسوطة مربّـعة
وكـنّـا أربـعـة
أنا وانتِ وأنا وانتِ

وكنا عيون كتير
وطبلـيّـة وزير
ولا بنحبّ نبكي
ولا بنعرف نطير
أنا وانتِ وأنا وانتِ

سبنا البوسطة ورانا
في الترماي اللي داير
العـتـبـه للإمـام
كان ريقك جنبي ساكت
حـبّـيـتك من زمان
أنا وانتِ وأنا وانتِ

شـمّـيت لادن سعيد
شـمّـيـته من بعيد
شـمّـيـته من قريّب
خمس سنين حاغـيّب
على الشماعة خايـف
وباخاف على الدولاب
وبادوب على البـلاط
وباحسّ الظـله تـقلت
وباسـمع الوابـور
وباحسّ المـيّـة تقلب
أنا وانتِ وأنا وانتِ

الظُهر الشمس تلحس
الظلة في الليمـان
والظهر الشمس تعمل
سيبرتاية دهـب
بصينا لبعض فيها
ومشينا لبعض نبكي
وقعدنا من التعب
أنا وانتِ وأنا وانتِ

باقول لك إيه باقول لك
حاجيب حاجات قديمة
قلبي كوره شراب
نلعب والا ما نلعب
فرحت لنا المدينة
وامبارح في التراب
أنا وانتِ وأنا وانتِ

وبنفرش ضينا
على ظلّة بعضنا
واحنا بنبرد هناك
علشان ندفا هنا
والقهوه تقول لنا
على بال النار ما تلسع
بتبقى حنـيّـنة
أنا وانتِ وأنا وانتِ

بواسطة: تيفاوي

تيفاوي — Sun, 14 Oct 2007 23:05:13 +0000

قال فؤاد حداد:
والرابعة داخ اللي
قلبه داخلي
يبقى دا خلّي
وقال ايضا:
وأخضر بقشره
اسمر في قدره
اقول له اطرا
يقولي غمس
خلص المدمس
يامين يحمس
لنا الوابور
قامت الرقيقة
اختي الشقيقة
قالت دقيقة
والشاي يدور
وقال ايضا:
اراد صيدا
فكاد كيدا
ابو فصاده
فصاد نفسه

بواسطة: أمين رشدي

أمين رشدي — Mon, 03 Sep 2007 03:30:15 +0000

مقاله جيده فعلا عن هذا العبقري .. الذي ضن ان يجود الزمان بمثله
ولكني لا افهم لماذا التشديد علي كونه من اصول شاميه، وعلي كون اشعر شعراء العاميه المصريه من اصول غير مصريه.
فؤاد حداد مصري دما ولحما وفكرا وروحا.. انظروا الي اشاعره والي مدي انغماسه في الحياه المصريه ..

الطمي واحد والشجر الوان

” أحد الكبار قال قدر مصر أن يكون أكبر شعراء عاميتها … شامي وتونسي…..( فؤاد و بيرم ) ”
هذا كلام غير سليم، وهو اصلا منسوب لمجهول، ماذا يعني قال احد الكبار .. كبار في ايه ؟!! في السن؟ في الخلق؟ في المعرفه؟!! في ايه بالظبط

ومرة اخري “يعتبر فؤاد حداد ذو الأصول الشامية ” لماذا كل هذا التشديد لا افهم؟!!

لا بيرم التونسي يقدم نفسه انه تونسي، ولا فؤاد حداد يقدم نفسه انه شامي

في حين انه في سيرة حياته قال المؤلف “فؤاد سليم حداد من مواليد 28 أكتوبر 1928 ” ولم يذكر مكان الميلاد .. وهو مصر بالطبع .. وانا لا اعرف لكن ربما ابواة ايضا مولدون في مصر، وربما تكون هذه الاصول الشاميه تعود الي الجدود الاولي للعائله ..

بواسطة: اون سي.سندس

اون سي.سندس — Sun, 29 Apr 2007 23:35:28 +0000

انا بحب الشعر العامى جدا وخصوصا الاستاذ جاهين وبعد ماقريت عن حياته في المنتدى لقيت انه اتأثر كثيرا بالأستاذ فؤاد حداد فاستغربت انه جاهين يتاثر بحد ولما قريت ليه بس مش كثير عرفت ليه هو حبه زى مأنا حبتهم لأني أقدر كثيرا الكلام الذي يطلع بأحاسيس ومشاعر من القلب ويترجم لأشعار عامية ومحسوس..فأنا أحاول ان اكون مثلهم.

بواسطة: عمرو هيكل

عمرو هيكل — Mon, 23 Apr 2007 13:59:14 +0000

والله يا جماعة البلد دى عمرها ما حينصلح حالها ولا حتتغير فى يوم للأحسن,,مش تشاؤم بس اللى يقرا شعر الراجل ده حيعرف ليه…عبقرى.. عبقرى..عبقرى…

بواسطة: MEKO007

MEKO007 — Sun, 11 Mar 2007 18:57:56 +0000

كان عظيم وعايش معانا بأشعارة حتى الأن

بواسطة: احمد سعيد طه

احمد سعيد طه — Wed, 28 Feb 2007 23:51:23 +0000

عبقرى العباقرة هذا كل مااقوله عن العبقرى فؤاد حداد

بواسطة: castro

castro — Sun, 18 Feb 2007 15:58:08 +0000

على بعد شهرين لو رنت خلاخيلها
يتهز تحت الفوارس فى الخلا خيلها

بواسطة: الأدباتى

الأدباتى — Fri, 16 Feb 2007 20:36:37 +0000

رميت بعينى تروح
من الرصيف لحد السطوح
مكتوب أشوف الوطن
فى كل طير مدبوح
——————
مين يعرف يقول الكلام ده غير عم فؤاد