كون مرتاح

احكيلك كم كلمه ، بتنفس و بترتاح وبتحسن تنام مرتاح
حطلك كم ليره لحدا عم يجمع تبرعات ، ضميرك بيرتاح وبتحسن تنام مرتاح
اخلع تيابك واقعدلك بالتلج عشر دقايق ، بتحس حالك عملت اللي عليك وزياده ، وصدقني الناس رح تتشكرك وتمدحك ، وهيك بتحس حالك مفضل ، وبتنام مرتاح
اكتبلك كم كلمة وعبر عن سخطك بس انتبه لاختيار الفاظك بعناية وخاصة اذا كنت باحضان الوطن ، بترتاح وبتنام مرتاح
اتفرج على القنوات وازروف الدمع الغزير ، قلبك بينجلي وبتخلص علبة المحارم و بتحس حالك مرتاح وبتنام بكل ارتياح
كل ما شفت شي ادعي شقد ما بتقدر ادعي للمظلوم وادعي ع الظلام بتنام مرتاح
اييييييه نومات الهنا حبيبي نومات الهنا.

شي بيكفر

طيب واحد بتقله البشر عم تسلق ورق الشجر لتسكت الجوع و عم تدبح القطط وبتاكل لحمها يا حزرك شو بيجاوبك عجب اكل لحم القط حرام ولا حلال !!!!
لك يحرق …. لك يلعن….. ……….اكفر

حلم

الحلم الكبير لا يموت بموت صاحبه الحلم الكبير يخضع لنظرية الحلول والتقمص ينتقل من شخص إلى شخص ومن مجموعة إلى مجموعة ومن شعب إلى شعب ومن أمة إلى أمة لايحق لأحد أن يمنعنا من الحلم

سؤال

المطربون في حلب يرضعون النغم مع حليب امهاتهم , يتعلمون عشرين عاما ويغنون اربعين عاما
يعيشون الفقر والتشرد (والشنططه) حتى يواتيهم الحظ لينشهروا ضمن حدود المدينه و المحظوظ منهم ينشهر في سوريا او في لبنان
اليوم كثير من المطربين والمطربات اختصروا هذه المعاناه فشاركوا ببرامج مثل ذا فويس و غيره من البرامج التي تحظى بنسبة مشاهدة عاليه تشهرهم بعدة حلقات في كل الوطن العربي . ما يزعجني و يقتلني انهم لا يستفيدون من هذه الشهره ولا يعلمون ماذا يفعلون بعدها. هل هو غباء ، هل هو كسل ، هل هي قلة حيله.

فك ارتباط

كلمة جهنم، وجملة “وبئس المصير” مرتبطتان ارتباطا كاملا في أذهاننا
نحن في سوريا فككنا هذا الارتباط العضوي

على الهامش

احلى نكته اسمعها هذه الايام اتهامي اني على الهامش واني غير متابع للاخبار واني منفصل عما حولي فلا اقرأ بين السطور ولا احلل نتائج مايجري حولي من مؤتمرات و اتفاقيات وهدن واخلاء و و و و و
انا المدني الذي يقصف وانا المواطن الذي اتحايل لاعيش وانا الذي اتفادى القنابل والبراميل والهاونات والجرار ومدافع جهنم ومدافع الطريق الى الجنة
وانا الذي اخلي منزلي واهاجر من مدينتي نتيجة اتفاق او ، عدم اتفاق
انا مصدر الاخبار ياغلام.

بس

لم نعد نجد حلولا مع أننا نبحث بجد وبدون راحه
حلب يامن تشبهون البشر ماتت وتلفظ أنفاسها الأخيرة وأسقط في يدنا لم نعد نجد حلولا مع أننا نحاول ولا نتوقف
بدأنا نفكر في الموت الرحيم
أطالب المسؤولين والمفتين ورجال الدين أصحاب اللفات وأولئك الذين يهوون التصوير بجانب العاهرات أولئك الذين يكفروننا ويخونوننا و يرمون علينا أحجارهم من كل المشارب أن يسنوا لنا قانونا يجيز الموت الرحيم.
وبس

 < 1 2 3 4 5 6 7 ... 28 29 >